ahebaarasoulallh
اهلا بيك زائرنا العزيز في منتدي احباء رسول الله نتمني الاستمتاع معنا باحلي الاوقات
وتسجيلك معنا يشرفنا ويزيدنا سرورا

ahebaarasoulallh

منتدي احباء رسول الله
 
الرئيسيةالبوابةس .و .جالأعضاءالمجموعاتالتسجيلدخول
المواضيع الأخيرة
» دور ابو طالب عم الرسول ف تربيه الرسول
الأربعاء مايو 05, 2010 6:05 pm من طرف mo22amed gad

» التفاح حرام !!
الجمعة مارس 05, 2010 3:25 pm من طرف احمد الشعار2

» أناس تصلي عليهم الملائكه
الجمعة مارس 05, 2010 6:59 am من طرف وفاء الباز

» هل انتي متدينه ؟
الجمعة مارس 05, 2010 6:35 am من طرف وفاء الباز

» سبعة نصائح للتخلص من سماع الاغانى
الجمعة مارس 05, 2010 6:07 am من طرف وفاء الباز

» سجادة صلاتكم تتكلم !....فماذا قالت
الأحد فبراير 28, 2010 6:36 pm من طرف همسة

» الخضر
الأحد فبراير 28, 2010 6:34 pm من طرف همسة

» عائشة بنت ابى بكر الصديق رضى الله عنها
السبت فبراير 27, 2010 3:58 am من طرف ملكه الصقر المصرى 17

» إمرأة تستحي من الكفن
السبت فبراير 27, 2010 3:05 am من طرف ملكه الصقر المصرى 17

» بتحب الاغانى؟؟؟؟؟؟؟؟؟؟؟
السبت فبراير 27, 2010 2:59 am من طرف ملكه الصقر المصرى 17

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 احنا قاعدين فى المنتدى ليه ؟؟ حد فيكم عارف؟ ادخلوا جددوا نواياكم !!

اذهب الى الأسفل 
كاتب الموضوعرسالة
ملكه الصقر المصرى 17
عضو مبتدا
عضو مبتدا
avatar

عدد المساهمات : 22
نقاط : 33311
التقييم : 1
تاريخ التسجيل : 08/12/2009
الموقع : منتدى احباء رسول الله

مُساهمةموضوع: احنا قاعدين فى المنتدى ليه ؟؟ حد فيكم عارف؟ ادخلوا جددوا نواياكم !!   الأحد فبراير 21, 2010 4:49 am



يارب تكونو كلكوا بخير وفي طاعة وسعادة دايما ورضى من ربنا لا يزول

عايزين نتكلم في موضوع كده مع بعض

من باب" وذكر فان الذكري تنفع المؤمنين "



احنا جايين هنا ليه ؟؟




جايين المنتدى ليه ؟؟

وفي منا اللي واخد من وقت امور تانية في حياته عشان المنتدى


وفي برده اللي بيقضي ادامه ساعات طويلة



اكيد كلنا عارفين ، ان بعض الامور في حياتنا لما بنتعود عليها ساعات ببنسى نيتنا فيها ، وبنحتاج تذكرة عشان تفضل جوانا مفهوم العادات اللي حولناها لعبادات وطاعات


مش داخلة المنتدى اقول جزاكم الله خيرا
واعمل اكثر من مواضيع بها مشاركات وردود

من الاخر كده

:::::: النية ::::::

ايه اخبار نوايانا في دخول المنتدى ؟؟ وفي تواجدنا عالنت من اساسه ؟


كلنا عارفين الحديث للحبيب صلى الله عليه وسلم عندما قال " انما الاعمال بالنيات ، وإنما لكل امرئ ما نوى "

وفي تفسير العلماء والمشايخ للحديث


قالوا ان الحديث ده هو ميزان الاعمال الباطنة ، ويعتبر نصف العبادات


اد ايه النية في العمل مهمة ، وتعتبر مقياس للعمل


عشان كده


النية الصالحة وحدها تقدر تحول العمل من واجب أو مندوب أو مباح إلى عبادة وطاعة



فنوايانا تشكل اعمالنا وتوجهها ، لان نيتي في العمل هي اللي بتنبهني ايه مسموح بيه وايه مش مسموح بيه اثناء قيامي بالعمل ده




بمعنى اننا نقدر نعتبر النية هي" البوصلة " اللي بتحدد اتجاه العمل من كونه عادة او روتين او كونه طاعة او عبادة



يعني من غيرها يتوووووووه العمل وسط زحمة المشاغل وتدافع الاعمال الاخرى


ولان النية هي اول خطوة نحو الاخلاااااااااااص لله ، اللي كلنا احنا واللي سبقونا واللي جايين بعدنا بنعيش عمرنا كله ندعي ربنا يرزقنا الاخلاص ويجعل اعمالنا خالصه ابتغاء مرضاته

وقال عليه الصلاة والسلام: ((إن العبد ليعمل أعمالا حسنة فتصعد الملائكة في صحف مختمة فتلقى بين يدي الله فيقول: ألقوا هذه الصحيفة فإنه لم يرد بما فيها وجهي))

ياللـــــــــــــــــــــــــــــه


للدرجة دي النية تحدد هدف العمل ودرجة اخلاصه


ده مش كده بس ، كمان بعض اهل العلم قالو عن النية ، انها روح العمل


وقيل عنها في بعض المواضع ، ان كما الدعاء هو مخ العبادة ، فالنية هي مخ العمل


وقال بعض السلف : " رُبّ عمل صغير تعظمه النية ، وربّ عمل كبير تصغره النية" .


وعن يحيى بن أبي كثير : " تعلمواالنية ، فإنها أبلغ من العمل "

واكيييييييد كلنا بنتمنى تبقي حياتنا لله بجد ، وعشان ده يحصل


ركن اساسي فيه النية اللي بناخدها قبل كل عمل نعمله



انا وغيري بناكل وبنشرب كل يوم ، لكن مش انا وغيري بناخد اجر على الاكل والشرب



ومش بس كده ، ده انا وغيري مش بناخد حتى نفس الاجر ، يعني بدرجات متفاوتة



وكل ده بتحدده النية ودرجة الاخلاص


" قل إن صلاتي ونسكي ومحياي ومماتي لله رب العالمين، لا شريك له، وبذلك أمرت وأنا أول المسلمين "


ويكفي نعرف ، انه سيدنا ابو بكر الصديق رضى الله عنه ، كان تاااااجرا للنوايا



وفي بعض الاعمال البسيطة جدا ، كان بياخذ لها اكتر من 80 نية

::::::::: ارتباط النية بلذة وروحانية العمل :::::::::::



انظر إلى عملك هل ما زلت تشعر بلذته كما حين شرعت فيه ؟أم أنه صار آليا بلا طعم؟



ورغم ان النية هي ميزان الاعمال ، ساعات لما بنفقد احساسنا بالروحانيات اللي في اعمالنا وعباداتنا بننسى انه ممكن يكون النية ونسيانها عليه عامل كبير في ده



اصلها سهل تتنسي ، احنا دايما مشغولين وورانا بدل الحاجة عشرة


لـــــــــــــــــكن

اللي يفرق صحبتنا الصالحة

اللي دايما لازم تكون هي اللي تنبهنا للامور دي



:::::::: ارتباط النية بالهمة ومدى علوها او انخفاضها ::::::::


ايوووووه ، النية هي اللي بتحدد همتك للعمل شكلها ايه



مش النية محلها القلب ؟؟ ، تمام كده


والهمة اللي هي الاستعداد للتضحية والتحرك في عمل معين



والنية هي اللي بتخلق جوانا مدى اهمية العمل ده لينا ، لانه اكيد لما اعرف ان حضوري المحاضرات مثلا ، مجرد دراسة عشان انجح واخد شهادة واشتغل



يختلف كتيييييير جدا ، عن لما اعرف انه حضوري المحاضرة ، اسمه طلب علم ، وانه الملايكة تضع اجنحتها لطالب العلم وتستغفر له المخلوقات



كل ده بيحدده النية ، وبالتالي الهمة اساسها النية


اما الهمة بقى واهميتها قال ابن القيم عنها
" لذة كل احد على حسب قدره وهمته وشرف نفسه "



اكيييييييييد مش معقول بعد ما نعرف قيمة النية ، اثرها وقدرتها على هدم العمل من اساسه لو كانت غير صالحة ، وقدرتها في نفس الوقت على رفع العمل الى اعلى المراتب لو كانت صالحة



مش ممكن نهملها او نسيب نفسنا ننساها



وعشان يبقي كلامنا عملي


ومش كلام بنقوله وننساه


هنجمع هنا مع بعض نوايا دخول المنتدى


وكل حد فينا عنده نية يقولها لنا


وياريت يبقي دايما اول توبيك ندخله مع دخولنا المنتدى التوبيك ده


مش لازم نشارك بس نذكر نفسنا


وهستاذنكم ابدأ

اشهد الله وملائكته ، واخواني واخواتي من اعضاء المنتدى ، اني اجدد نيتي بين ايديكم يا صحبة الخير ، واسالكم الدعاء لنا جميعا بان يذكرنا الله بها كلما نسيناها
اسأل الله لكم جميعا الهداية والنور والصحبة الصالحة
الرجوع الى أعلى الصفحة اذهب الى الأسفل
احمد الشعار2
المدير العام
المدير العام
avatar

عدد المساهمات : 147
نقاط : 34648
التقييم : 0
تاريخ التسجيل : 26/08/2009
العمر : 30
الموقع : http://ahebaarasoulallah.yoo7.com

مُساهمةموضوع: رد: احنا قاعدين فى المنتدى ليه ؟؟ حد فيكم عارف؟ ادخلوا جددوا نواياكم !!   الأحد فبراير 21, 2010 4:52 am

تسلم ايدك يا ساره
بجد توبيك جميل اوي واكثر من رائع
بارك الله فيكي
الرجوع الى أعلى الصفحة اذهب الى الأسفل
http://ahebaarasoulallah.yoo7.com
 
احنا قاعدين فى المنتدى ليه ؟؟ حد فيكم عارف؟ ادخلوا جددوا نواياكم !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ahebaarasoulallh :: المجتمع الاسلامي :: قضايا المجتمع الاسلامي-
انتقل الى: