هل انتي متدينه ؟

موضوعي النهارده ممكن يزعل ناس مني بس معلش هيا حاجه كده جوه قلبي ومضيقاني ولازم اتكلم فيها
الموضوع عن التدين للبنات
فيه بنات كتير اوي بتلبس حجاب دا كويس جدا لكن نيجي مكمل باقي لبسها نلاقيا لابسه بدي وبنطلون مبين تفاصيل جسمها انا اسف ف التعبير لكن دي الحقيقه
ونيجي نسال البنت دي هل انتي متدينه تقولي وبكل جراءه طبعا متدينه هو انتا مش شايف الحجاب
نقولها لا الحجاب جميل لكن الباقي مش ماشي مع الحجاب
تقول يعني انتا عايزني اخرج من بيتي مش استايل او روشه
البنت اللي عايزه تخرج من بيتها استايل او روشه هتخرج كده وعندها لبس واسع كتير
بس للاسف فيه بنات عايز تتعاكس يتقال عليه شوفت البنت دي عامله ازاي والحاجات الي من هذا القبيل
نيجي نبص للموضوع من جانب اخر
وهو جانب الرجل او الشاب
تقول للشاب ايه اكتر حاجه بتعجبك في حبيبتك يقولك تدينها يا سلام علي تدينها انا مشفتش كده والله
تيجي تشوف حبيبته تلاقيها محجبه ولابسه بضي ضيق جدا وبنطلون اضيق
تقوله فين التدين يا سيدي
يقولك لا يا عم دا مش بلبس دا بالنيه باللي جوه القلب
طب انتا بتقول متدينه المتدينه دي بتكون بتخاف ربنا ف كل حاجه ف لبسها ف زوجها ف كل حاجه
يقول لالالالالالالا انتا كده مش متقدم احنا سنه 2009
تقوله يا راجل 2009 يعني لما ربنا يوم القيامه زي ما راس الرسول ف الاسراء والمعراج النساء اللي بتبين اجزاء من جسمها كل وحده معلقه من الجزء ده 2009 هتنفعها

احنا محتاجين اعاده تفكير مش لازم نقلد الغرب ف الحاجات الهايفه
البنت اللي عايزه تخرج من بتها استايل فيه لبس استايل واسع وانا مقولتش واسع يعني هتبقي عامله فيه زي فطوطه
لا لبس مناسب لجسمها بس ميبينش حاجه
انا اسف لو طولت عليكوا بس انا كده مرتاح شويه
اتمني لكل بنت بعد ما تقرا كلامي تسال نفسها هل انا متدينه وتجاوب علي نفسها
واتمني مكنش جرحت حد بكلامي
والله ولي التوفيق